Getum ekki beðið lengur

Þetta er bara spurning um tíma, við eigum ekki annara kosta völ en að ganga í Evrópusambandið, og þótt fyrr hefði verið.

Ef eitthvað er að marka bók Eiriks Bergmanns (sjá bloggvini hér til hliðar) sem kom út í fyrra var það persónulegur pirringur Davíðs Oddssonar gegn Jóni Baldvini sem gerði það að verkum að stefna Sjálfstæðismanna í dag og þá fyrir sirka 10 árum varð að óvild gegn sambandinu. Þar áður hafði Davíð verið ötull stuðningsmaður og líklega sá sem hefði leitt okkur inn í Evrópu til nýrra og betri tíma.

Síðan hvenær hefur pirringur eins manns verið stefnumótandi afl, og hvað segir það um þá sem fylgja slíkri stefnu eftir. Er það ekki þannig að menn séu í stjórnmálum til að vinna fyrir fólk og sinna sinni sannfæringu. Svo maður vitni í orð hins mikils metna Jedi Meistara Obi Wan Kenobi úr heimildamyndinni, A New Hope, þar sem hann segir orð sem smellpassa hér o

 

g lýsa Sjálfstæðisflokknum óhuggulega vel. "Who is more the fool: the fool, or the fool who follows him?" 

 

Krónan að verða viðskiptahindrun

Athugasemdir

[Eyjólfur Gunnsteinsson (IP-tala skráð) 31.1.2008 kl. 13:30]

Ekki verður allt gott með upptöku Evrunar hér á landi.  Til að mynda mun vöruverð og verð á þjónustu hækka mjög mikið við myntskiptin úr krónu yfir í Evru líkt og þegar tvö núll voru skorin af krónunni áramótin 1980/1981. 

Svo er líka spurningin; ætla bankarnir að halda áfram að bjóða viðskiptavinum sínum hér á landi útlán á íslenskum vaxtakjörum, eða ætla þeir að bjóða vaxtakjör eins og þau tíðskast í Evrulöndunum????  Varla verður hægt að hafa tvö hagkerfi innan í Evrópusambandinu með þeim hætti eða hvað??

[Fannar frá Rifi, 31.1.2008 kl. 13:56]

Það kannast enginn nema Eríkur við að Davíð hafi verið fylgjandi ESB.

En ef við göngum í ESB ættum við þá ekki að ganga alla leið. Leggja niður forseta embættið og ganga aftur í konungssamband við Dani? Nei bara svona til að endalega taka til baka sjálfstæðið sem við fengum. 

[Tjásan (IP-tala skráð) 31.1.2008 kl. 14:13]

Ekki hafði ég hundsvit um ESB fyrr en ég gerði ritgerð um hvaða afleiðingar það hefði ef Ísland geng í ESB. Veistu ef að við göngum inn í SEB þá getum við Íslendingar bara lagt upp laupana og hætt að kalla okkur Íslendinga.

Reglur ESB réttar geta gengið framar stjórnarskrá okkar lands og hreinlega allra laga og grundvallarreglna sem við miðum við og ef að við viljum frekar hlýta reglum stjórnarskrárinnar en ESB gætum við þurft að greiða margra milljóna sekt.

ESB vill ráða hverjum einasta þræði sem löndin byggja á og þar að auki er það afskaplega tilgangslaust. Við erum í EES. EES samningurinn tekur upp helstu breytingar sem gerða eru í ESB og þær breytingar sem ÞARF að gera. Því erum við miklu betur sett innan EES heldur en innan ESB. Margir töldu framsal á lýðveldinu eiga sér stað þegar við gengum í EES and það er smotterí á við þær fórnir sem við færum við það að ganga í ESB.

[Loopman, 1.2.2008 kl. 20:07]

Það er alveg ótrúlega seigur þessi hugsunarháttur að við missum sjáfstæðið og verðum ekki lengur þjóð og bla bla bla.... Við fáum 85% af reglum og lögum frá Brussel eins og er. Við höfum ekkert val hvað það varðar. Hættið að hugsa með tilfinningunni og skoðið rökin.